Hedda Stausberg   Ärztin für Allgemeinmedizin    ­    Peter Stausberg   Internist
Heidedyk 26   47802 Krefeld        Tel 02151  56 32 23

Gemeinschaftspraxis Stausberg

Bee dä Pärdsdokter

Et soll suo passiert sieen. Enne Verberger, dä joot Frönd es möt den Pärdsdokter, koem ens möt en Waaterschildkröt van sinne Suohn en de Praxis. Dat Dier sollde ongersoht werde. Dooemet man die Jeschicht richtig verstoehn kann, mot m'r äwer wat Wichtijes wieete. Där Pärdsdokter hät enne jroute Stock möt Druwe op de Terrass stohn on dä Sohn van de Kerl möt die Waaterschildkröt mäkt och selvs Wien. On weil dat en Duon woer, hät hä bee de Doktervisit och tijeliek twiee Fläschkes „Deputat” mötjebreit. De Suohn hat die Kröt on die Fläsche enne Plastikemmer jestoppt on möt en Handock tujedeckt, sue soet dä Vadder no en dat Wartezemmer.

Die Kröt woer tuirsch janz röhig on brav, doch bald fing se aan, en dä Emmer tu rumore on tu kratze. Dat merkde en klieen Mädsche van vilets sieeve bös aach Johr on frogde: „Onkel, was hast Du da in Deinem Eimer? Darf ich mal gucken?” „Sieker dat” seit dä Vadder, on noem dat Handock weg. „Mamma, was ist das denn für ein Tier?” frogde dat Kenk. „Eine Schildkröte”, seit die Motter, on meek selvs janz jruote Uore. Wal och, weil se die twiee Fläsche Wien jesiehn hat. „Wozu brauchen Sie denn den Wein?” frogde se dä Mann. „Tja, dat es suo”, seit dä on lachde en bettsche doobee, „dat nängt möt dat batahle he be dä Pärdsdokter tusaame. Barjeld es be os tu Huus knapp, drom wel ech dän Dokter möt Wien betale.” Die Frau kiek en bettsche verstüert, satt sech wier her on deit sech wall ür Diehl.

„Der Nächste bitte!” reep en Stemm, on nu woer die Schildkröt draan. Se hat nix Schlemmes, on dä Dokter freude sech üewer dat Deputat Wien. Als Dank dofür kreisch de Verberger für sinne Suohn en Jläske selvsjemägde Druwemarmelad möt nooe Huus. Hä betalde noch die Reäknung wie et sech jehüert on jing wier en et Wartezemmer, öm sinne Hoot tu hole. Die Frau on dat Mädsche kieken all jespannt. „Darf ich die Schildkröte noch einmal sehen?” hiet et dann. „Sieker dat”, seit dä Mann on nooem dat Handock van den Emmer. Bluoß wie die Frau dat Marmeladejlas soech, doe kiek die miehr als erstaunt. Doe minnde dä Mann, „Jooe, witt'r, die Reäknung woer net suo huoch wie die twiee Fläschkes Wien wert woere, doe häb ech als „Wechseljeld” die Marmelad jekreije!”
On hä trock möt en Jrüesele op de Leppe noe Huus.


Text: Herbert Benger, Arbeitskreis Mundart und Brauchtum im Verein für Heimatkunde e.V. Krefeld
Bilder: Stickbilder von Helga Lorenzen; mit freundlicher Genehmigung

Stickbild